ADVERBIO

Adverbioe’ junxóot’ tuukul wa jump’éel t’aan ku yáantik jump’éel péeksil utia’al u ya’alik wa u jets’ik bix u beeta’al jump’éel ba’al.

Ichilo’obe’, ti’ yaan le je’elo’oba’:

Ichil le ku ya’ala’al intensificadoro’obe’, yaan je’el u béeytal u meyajo’ob bey Adverbio ken ts’a’abak táanil ti’ le péeksilo’, je’el bix: sen, seten, jach, seenkech, yéetel uláak’o’ob.

* Le t’aano’oba’ ma’atáan u bisiko’ob pronombre ligado tumen yaan jump’éel t’aan tu chúumukil máax beetik yéetel le péeksilo’, beyo’ ku beetik ma’ u táak’al ka’ap’éel vocal.

Tuláakal le je’elo’oba’, utia’al ka meyajnako’ob bey adverbioe’, k’a’abéet u láak’inta’alo’ob tumen le ku ya’ala’al grupo verbalo’ (máax beetik – péeksil - súutukil), tu’ux mantats’ unaj u chíikpajalo’ob táanil ti’ le péeksilo’.

Le adverbioo’, wa ku meyaj ichil jump’éel tuukul completivo, incompletivo wa subjuntivoe’, ku jelpajal u kúuchil tu’ux ku chíikpajal ichil le grupo verbalo’, je’el bix u ye’espajal te’ela’:

Ichil completivoe', ku chíikpajal táanil ti’ le grupo verbalo’:

Ti’ incompletivoe’, ku chíikpajal ichil le grupo verbalo’, tu chúumukil máax beetik yéetel le péeksilo’:

Ti’ subjuntivoe’, ku chíikpajal xan ichil le grupo verbalo’, chéen ba’ale’, tu chúumukil ti’ u súutukil yéetel le péeksilo’:

Meyajta'ab tumen ajka'asajo'ob Milner R. Pacab Alcocer yéetel Augusto Cetzal Tún.

05 u k'iinil ti' u wináalil Marzo ti' u ja'abil 2010